O Grupo Correos constitúese como un conxunto de empresas que desenvolven a súa actividade no sector das comunicacións, físicas e dixitais, e no mercado da paquetería, no que cada vez máis clientes demandan servizos de maior valor engadido que só se poden ofrecer a través da excelencia e a sostibilidade.

De acordo aos principios de cumprimento da legalidade, honestidade, integridade e transparencia que se atopan recollidos no Código Xeral de Conduta e nas diferentes Políticas corporativas, e dentro do marco do Modelo de Aliñación cos Obxectivos de Desenvolvemento Sostible (ODS) das Nacións Unidas, así como do Plan Director de Sostibilidade da compañía, marcámonos os seguintes compromisos:

• Cos clientes, a través da eficiencia e a innovación nos procesos e produtos. Buscando permanentemente a excelencia no servizo e desenvolvendo novas solucións adaptadas a unha sociedade cada día máis dixital.
• Coas persoas que traballan no Grupo, velando pola súa saúde e seguridade no traballo, pola formación continua e o seu desenvolvemento profesional e persoal.
• Coa sostibilidade ambiental promovendo a protección do medio co establecemento de obxectivos concretos en materia de calidadedo aire, cambio climático e economía circular e que eses obxectivos estean aliñados cos Obxectivos de Desenvolvemento Sostible das Nacións Unidas.
• Coa sociedade promovendo o desenvolvemento social e cultural das comunidades nas que realizamos a nosa actividade, contribuíndo ao seu benestar e progreso.

A Política de Control e Xestión de Riscos corporativos do Grupo Correos, aprobada polo Consello de Administración en 2022, establece os principios e directrices para asegurar a identificación, análises, xestión e control dos riscos, de forma sistemática y uniforme, contribuíndo así a:

– alcanzar os obxectivos estratéxicos corporativos, maximizando o valor económico xerado;

– aportar un nivel adecuado de garantías a todos os grupos de interese;

– cumprir coa normativa aplicable;

– facilitar o desenvolvemento das operacións coa seguridade e calidade previstos, asegurando a continuidade do servizo público.

Esta Política define as pautas a seguir para identificar e manter os riscos dentro dos limiares de tolerancia e facilitar os elementos para decidir sobre o nivel de risco aceptable en cada momento, tendo en conta a transversalidade dos mesmos. Para iso, a súa aplicación baséase en catro principios de actuación: orientación á xestión do risco mediante unha contorna de control interno efectivo, fortalecemento do goberno corporativo, estratexia e cultura de xestión integral do risco e transparencia interna.

A nosa Política de Seguridade da Información inclúe os seguintes obxectivos estratéxicos:

– Manter uns niveis de seguridade, en termos de confidencialidade, integridade e dispoñibilidade, axustados e coherentes coas necesidades do negocio e a confianza dos nosos clientes.

– Asegurar o funcionamento do Comité de Seguridade Corporativo, órgano que ten encomendada a xestión de todo aquilo que teña como obxectivo previr, salvagardar e fortalecer a seguridade dos activos de información, contando cos recursos necesarios para iso.

– Implantar as medidas técnicas e organizativas que proporcionan o nivel de seguridade adecuado para tratar a información tanto en situacións habituais coma de continxencia tecnolóxica, atinxindo aos sistemas e os procesos que tratan esta información, ademais de garantir en todo momento o cumprimento do marco legal vixente.

– Difundir este documento e o marco normativo de Seguridade da Información que o desenvolve e promover a formación e concienciación nesta materia a todo o persoal da Organización.

– Manter un Sistema de Xestión da Seguridade da Información baseado en estándares internacionais para identificar, cuantificar, primar e tratar os riscos, así como para avaliar e revisar o desenvolvemento da Política de Seguridade da Información como marco de definición das directrices básicas de seguridade.