Grupo Correos Correos-ek, eta Correos Express, Nexea, eta Correos Telecom filialek osatzen dute. Mezu fisiko eta digitalen sektorean gaude, baita paketeriaren merkatuan ere. Urgentea ez den garraioan lehenak gara eta, merkataritza elektronikoaren sektorean, aitzindariak.

Correos GRUPO SEPI-ren parte da. Holding enpresariala da, 15 enpresa zuzenean eta gehiengo partaidetza dutenak osatutakoa, eta 74.000 langile baino gehiango dituztenak. Corporación RTVE-ko akzioduna da, eta tutoretzapeko fundazio publiko bat dauka, baita partizipazio minoritario zuzenak ere bederatzi enpresetan, eta zeharkakoak ehun sozietate baino gehiagotan.

Grupo Correos enpresa-taldetzat eratu da, posta-, paketeria-, eta mezu-merkatuan jarduera daukatenak. Merkatu horietan, bezeroek balio erantsitako zerbitzu gehiago eskatzen dituzte, bikaintasunaren eta jasangarritasunaren bidez eskaini daitezkeenak.

Gobernu egokia zehazten duten oinarriekin bat, Erakundearen Jokabide-kodean jaso direnak, helburua lortzeko, hau da, legeria betez, zuzentasunez, zintzotasunez, eta gardentasunez, honako konpromiso hauek ezarri ditugu:

– Bezeroekin, prozesuetan eta produktuetan eraginkortasuna eta berrikuntza nagusituz. Zerbitzuaren bikaintasuna etengabe bilatuz, eta gero eta digitalagoa den gizarte batera moldatzen diren konponbide berriak garatuz.

– Taldean lan egiten duten pertsonekin, lanean duten osasuna eta segurtasuna zainduz, etengabeko prestakuntzaren alde, eta langileen garapen pertsonala eta profesionala lortzeko.

– Eta gure inguruan dagoen guztiarekin, Garapen Iraunkorrerako Helburuak lortzeko.

Gizartean geure jarduera garatzen dugun komunitateen garapen soziala eta kulturala sustatuz egingo dugu; lan egiten dugun ingurumena zainduz, kutsadura saihestuz baliabideak ahal den neurrian aprobetxatzeko; hirien aire-kalitatea hobetuz; eta sortzen ditugun CO₂-ko isuriak murriztuz.

Correos Taldearen Arrisku korporatiboak Kontrolatzeko eta Kudeatzeko Politikak, Administrazio Kontseiluak 2022 an onartutakoak, arriskuak modu sistematikoan eta uniformean identifikatzeko, aztertzeko, kudeatzeko eta kontrolatzeko oinarriak eta jarraibideak ezartzen ditu, honako hau lortuz:

– helburu estrategiko korporatiboak lortzea, sortutako balio ekonomikoa maximizatuz;

– interesa duten talde guztiei berme-maila egokia ematea;

– aplikatzekoa den araudia betetzea;

– eragiketak aurreikusitako segurtasunarekin eta kalitatearekin egiten direla erraztea, zerbitzu publikoaren jarraipena ziurtatuz.

Politikak arriskuak identifikatzeko eta tolerantzia-atarien barruan mantentzeko, eta une bakoitzean arrisku-maila onargarriari buruz erabakitzeko osagaiak errazteko jarraitu beharreko jarraibideak zehazten ditu, horien zeharkakotasuna kontuan hartuta. Horretarako, lau jarduera-printzipiotan oinarritzen da ezarpena: arriskua kudeatzeko joera, barneko kontrol ingurune eraginkorraren bidez; gobernu korporatiboa indartzea; arriskuaren kudeaketa integraleko estrategia eta kultura; eta barneko gardentasuna.

Gure informazioaren segurtasun-politikak helburu estrategiko hauek ditu:

– Konfidentzialtasun-, osotasun- eta eskuragarritasun-maila egokiak eta koherenteak izatea negozioaren beharrekiko eta gure bezeroen konfiantzarekiko.

– Segurtasun Batzorde Korporatiboaren funtzionamendua ziurtatzea. Organo horrek informazio-aktiboen segurtasuna prebenitu, zaindu eta indartzeko helburua duen guztia kudeatu behar du, eta horretarako behar adina baliabide izango ditu.

– Ohiko egoeretan zein kontingentzia teknologikoan informazioa tratatzeko segurtasun-maila egokia ematen duten neurri teknikoak eta antolakuntza-neurriak ezartzea, informazio hori tratatzen duten sistemetara eta prozesuetara iristen direnak, eta une oro indarrean dagoen lege-esparrua betetzen dela bermatzea.

– Dokumentu hau eta hura garatzen duen Informazioaren Segurtasuneko arau-esparrua hedatzea, eta arlo horretan prestakuntza eta kontzientziazioa sustatzea erakundeko langile guztien artean.

– Informazioaren Segurtasuna Kudeatzeko Sistema mantentzea, nazioarteko estandarretan oinarritua, arriskuak identifikatu, zenbatu, lehenetsi eta tratatzeko, bai eta Informazioaren Segurtasuneko Politikaren garapena ebaluatu eta berrikusteko ere, segurtasuneko oinarrizko jarraibideak definitzeko esparrua den aldetik.